ಪಿಎಂ ಕಿಸಾನ್ ಯೋಜನೆಯ ₹2,000 ಹಣ ಖಾತೆಗೆ ಜಮೆ ಆಗಿಲ್ಲವೇ?

ಪ್ರಧಾನಿ ನರೇಂದ್ರ ಮೋದಿ ಅವರು 2022ರ ಮೇ 31ರಂದು ಪಿಎಂ ಕಿಸಾನ್ ಸಮ್ಮಾನ್ ನಿಧಿ ಯೋಜನೆಯ 11 ನೇ ಕಂತನ್ನು ಬಿಡುಗಡೆ ಮಾಡಿದ್ದರು. 

ಈ ಯೋಜನೆಯಡಿ ಅರ್ಹ ಫಲಾನುಭವಿಗಳು ಪ್ರತಿ ವರ್ಷ ₹6,000 ಹಣ ಪಡೆಯುತ್ತಾರೆ. ಈ ಮೊತ್ತವನ್ನು ರೈತರ ಖಾತೆಗೆ ವಾರ್ಷಿಕ ಮೂರು ಕಂತುಗಳಲ್ಲಿ ತಲಾ ₹2,000 ಹಣವನ್ನು ನೇರವಾಗಿ ಜಮೆ ಮಾಡಲಾಗುತ್ತದೆ. 

ಆದರೆ, ಕೆಲವು ರೈತರಿಗೆ ಇನ್ನೂ ತಮ್ಮ ಖಾತೆಗಳಲ್ಲಿ ಪ್ರಧಾನ ಮಂತ್ರಿ ಕಿಸಾನ್ ಯೋಜನೆಯ 11 ನೇ ಕಂತಿನ ಹಣ ಪಾವತಿಯಾಗಿಲ್ಲ. ಇಂತಹ ರೈತರು ಸರ್ಕಾರಕ್ಕೆ ತಮ್ಮ ದೂರು ದಾಖಲಿಸಬಹುದು.

ಹಣ ಜಮೆಯಾಗದ ರೈತರು ಪಿಎಂ ಕಿಸಾನ್ ವೆಬ್‌ಸೈಟ್‌ಗೆ ಭೇಟಿ ನೀಡುವ ಮೂಲಕ ದೂರು ದಾಖಲಿಸಬಹುದು.

 ಆದರೆ, ದೂರು ದಾಖಲಿಸುವ ಮೊದಲು ನಿಮ್ಮ KYC ಅನ್ನು ಅಪ್ಡೇಟ್‌ ಮಾಡಲಾಗಿದೆಯೇ ಅಥವಾ ಇಲ್ಲವೇ ಎಂಬುದನ್ನು ಒಮ್ಮೆ ಪರಿಶೀಲಿಸಿ.

 ಪ್ರಧಾನ ಮಂತ್ರಿ ಕಿಸಾನ್ ಯೋಜನೆಯ ಲಾಭ ಪಡೆಯಲು, KYC ಅನ್ನು ಅಪ್ಡೇಟ್‌ ಮಾಡುವುದು ಕಡ್ಡಾಯವಾಗಿದೆ. ಸರ್ಕಾರವು ಇ-ಕೆವೈಸಿಯ ಕೊನೆಯ ದಿನಾಂಕವನ್ನು 2022ರ ಜುಲೈ ವರೆಗೆ ವಿಸ್ತರಿಸಿದೆ.

ಮೊದಲು ನೀವು ಪಿಎಂ ಕಿಸಾನ್‌ನ ಅಧಿಕೃತ ವೆಬ್‌ಸೈಟ್‌ಗೆ ಹೋಗಬೇಕು.

 ಇಲ್ಲಿ ನಿಮ್ಮ ಆಧಾರ್ ಸಂಖ್ಯೆ ಅಥವಾ ಖಾತೆ ಸಂಖ್ಯೆ ಅಥವಾ ಮೊಬೈಲ್ ಸಂಖ್ಯೆಯನ್ನು ನಮೂದಿಸಿ ಮತ್ತು ನಿಮ್ಮ ವಿವರಗಳನ್ನು ಪಡೆಯಲು 'ವಿವರಗಳನ್ನು ಪಡೆಯಿರಿ' ಬಟನ್‌ ಕ್ಲಿಕ್ ಮಾಡಿ.

 ಅದರ ನಂತರ ನೀವು ನಿಮ್ಮ ದೂರನ್ನು ನೋಂದಾಯಿಸಬಹುದು. ಇದಲ್ಲದೆ, ನಿಮ್ಮ ದೂರನ್ನು pmkisan-ict@gov.in ಮತ್ತು pmkisan-funds@gov.in ಇಮೇಲ್ ಐಡಿಗಳಿಗೆ ನೇರವಾಗಿ ಕಳುಹಿಸಬಹುದು.